2022 sung leitlun miropi mualliamtu 10 lakah U Phyo Zeya Thaw tel US hrambun Council on Foreign Relations ih an hrilkhawmmi ah 2022 sungih mualliam leitlun miropi 10 lakah U Phyo Zeya Thaw an telh, tiah theih a si.
2022 sungih leitlun miropi mualliamtu 10 an hrilkhawmmi pawl cu Japan PM hlun Shinzo Abbe, British siangpahrang bawinu Elizabeth, China President hlun Jiang Zemin tivek leitlun ram hruaitu an si ih U Phyo Zeya Thaw khal an lakah telh a si.
U Phyo Zeya Thaw hi politician, HipHop zaithiam, hluttaw palai le Democracy hrangah cangvaitu a si vekin leitlun miropi mualliamtu 10 lakah 6nk dinhmun a ngah.
Hlanlai ihsin ralhrang uknak dokalh ringringtu U Phyo Zeya Thaw ih 2007 ရွှေဝါရောင် dothleng hnu Generation Wave timi nonawn pawlkom dintu lakah a tel ih 2008 ah ralhrang acozah in an kai ih thawng an thlak.
HipHop zaithiam pawlkom ‘ACID’ timi ah a tel ih NLD parih ih hluttaw palai khal a si.
U Phyo Zeya Thaw cu 88 hrinthar tlawngta hotu U Jimmy thawn ramthukhel 4 cu SAC ralhrang in 2022, June 25 ah an thlai-that, tiah SAC ralhrang thuthang ah an suah.
Leave a Reply