December 15 ah Tanintharyi ramthen, Tayetchaung (သရက်ချောင်း) peng, Daung Min ဒေါင်းမင် Column ih sungtel kum 19 mi Ko Lay Phyu @ Leik Suan timi cu mine puak sual ruangah a nun a liam, tiah theih a si.
“SAC ralhrang do dingin mine an kam rero laiah a puak sual. Atufang sumpai harsat ruangah le thilri harsat ruangah mahte in cangvaih a si ih a tihnung zet,” tiah Daung Min Column ih tuanvoneitu cun a sim.
Ko Lay Phyu cu December 16 ah a innsang hnenah a thih thu simtheih a si ih an vuiliam, tiah theih a si.
Mine cangsualnak ih thi, Ko Lay Phyu hi Daung Min Column din thok ihsin a tel ih atu vekin paraltha pakhat an sunral ruangah a rualpi pawl an thin a nuam lo zet.
Ko Lay Phyu ih nunpeknak cangcawi in Daung Min Column cun SAC ralhrang dothlengnak nasa sinsin an neih ding thu ca an suah.
Leave a Reply