Mipi ralkap ngiartu palik sakhan an kap

Tanintharyi ramthen, Palaw peng, Palah (ပလ) khawpi ih palik sakhan cu PDF in December 9 ah an luhhnawh ih an kap, tiah theih a si.

Zinglam nazi 11 hrawngah PDF-Myeik District Battalion 1 le အရိပ်ပြောက်ကျားတပ်ဖွဲ့ (ပကဖ) tangrual in an kap ih khatlam khatlam kahawknak a sosang zet ih minute 10 an awh, tiah theih a si.

Myeik District Battalion 1 ih thuphuangtu cun, “Sakhan la tum khal kan si lo. Palik uico pawl hin, ‘PDF pawl an ra ngam lo’ tiah in ngiar theu ruangah kan va theh-laraw duak men.

Palaw khawpi sungah ziangtik lai caan khalah kan lutsuak thei ringring, timi theihter duhnak ah a si,” tiah a sim.

Hi palik sakhan sungah hin palik, ralhrang lawng si loin Pyusawhtee thawn an zaten 30 lenglo an tom theu thu, PDF in an siim ih an kahawknak ah thi le hriamhma ngah zat theih a si lo thu, anih cun a rel.

Be the first to comment

Leave a Reply

Your email address will not be published.


*