Mipi ralkap Inlay PDF commander telin mi 4 in nun an liam

Shan ramkulh ah doawknak suak, khatlam khatlam thi le hlo tam Shan ramkulh thlanglam, ညောင်ရွှေ peng, Inlay kiangkapah SAC ralhrang le tualsung hriamhrei kai pawl doawknak a suak ih khatlam khatlam thi le hlo an tam zet, tiah tualsung thuthang sirhsan in theih a si.

Inlay nitlaknak ဘုရားနီကျေး khua le သန်းထောင် khaw karlakah ralhrang le January 3 ah Inlay PDF an kapaw ih IPDF Battalion 1009 ih commander telin mi 4 nun an liam hleiah mi 3 an kai.

Cun, January 4 zan ah IPDF mipi ralkap dung an sip laiah ralhrang le Pyusawhtee in an rak bawh ih IPDF 3 an kai bet, tiah theih a si. An kaihmi 3 lakah 2 cu nunglai in an kai ih 1 cu a rak dolet ve ruangah an kap that cih.

January 3 le ni 4 sung doawknak ah SAC ralhrang le thi le hlo an um ve nan, a cekci theih a si lo, tiah Inlay PDF ih tuanvoneitu cun a sim.

Be the first to comment

Leave a Reply

Your email address will not be published.


*