Mipi ralkap hrang ralthuam an kai

Magway ramthen, PDF pawl hrang phurhmi ralthuam an kai.

Magway ramthen, Myaing peng, Pauk peng ih PDF pawl hrang an phurhmi meithal zun 20 le cerek pawl an kaih thu SAC ralhrang in thu an than.

February 24 zing ah Kawkareik- သထုံ lamzin, သထုံ khawhnar Car Gate ihsin Mawlamyine lamih poksuak motor cu an check tikah MK-12 meithal 2, M-4 carbine meithal 2, M-16 meithal 1, Point 380 Rifle 1, AK-47 meithal 1, Glock pistol 10, Sigsauer pistol 3, cerek 3980, ziandawng 46 le remote control 49 an kaih thu an tarlang.

An kaihmi motor parah cun phungki U Zaw Lwin Oo le motor mawngtu U Win Zaw an kai tel ih annih pahnih hi 2021 ah KNLA Brigade 6 luah ram ah raldo rak zir dahtu an si, tiah theih a si.

CRPH, NUG in KNLA Brigade 6 luah ram ih ralthuam pawl lei tahrat in Myaing peng le Pauk peng PDF hotu a simi ရဲသော်တာ (ခ) ကျောက်တိုင် ၊ ဗိုလ်လက်ယာ le မြိုင်ကြီး(ခ) ယက္ခ hnenah sum hlawh in an kuat sawngmi a si, tiah SAC ralhrang thuthang cun a tarlang.

Himi thu thawn pehparaw in Myaing peng PDF hotu Bo Letyar cu suh a si tikah thudik a si thu le zuarthlaitu an um ruangah tuvekin kaih an ton thu Burma VJ hnenah a rel.