Mandalay khawpi sung thupthiar cangvaitu GZP Vice President telin PDF 4 ralhrang in an that.
November 21, simlam nazi 2 hrawngah Mandalay, ပုသိမ်ကြီး peng, lamzin 19, Cuap tuamhlawmnak sizung hmaiah SAC ralhrang in mino 4 an kap that.
An kah thatmi pawl cu Generation Z Power (GZP) ih hotusang pawl ကျွဲကြီး (ခ) သက်နိုင်ထွန်း, an sumpai kiltu မိုးကို, sungtel ဇေယျ le ကျော်စွာလင်း an si, tiah SAC ralhrang dinpitu lamin thu an suah.
Cuap tuamhlawmnak sizung hmai ahcun khatlam khatlam an kapaw ih GZP mipi ralkap an thi, tiah Mandalay hrambun dothlengnak pawlkom pakhat in a sim ve.
GZP sungtel 4 hnen ihsin ralhrang in Pistol 2, ziandawng 2 le kut den bomb 2 an laksak thu ralhrang lam cun an sim.
GZP hi Mandalay khawpi sungih Dalan thianfaitu le SAC ralhrang tirhfung Pyusawhtee, Pyithusit that tam biktu pawlkom an si, tiah theih a si.
Leave a Reply