Mipi an tonkhawmnak ah SAC ralhrang in bomb thlak

Buddhist Temple ah tonkhawmnak an neih laiah SAC ralhrang in bomb a thlak.

Sagaing ramthen, Kawlin (ကောလင်း) peng, ကောလင်း le ကျောက်ပြင်သာ khaw hnih komkhawmaw in Buddhist temple ih tonkhawmnak an neih laiah SAC ralhrang in vanzam ihsin bomb a thlak.

A tikcu hi January 19, simlam nazi 3:30 ah a si. Khaw hnih kom mipi pawl khawsung kaihhruaiawk daan thu relkhawmnak an neih laiah SAC ralhrang in bomb an thla.

Asinan khawmi pawl a tikcu khel in an rak tlan man ih zohman siatsuah ngahmi an nei lo. Phungki tlawng lawngte a siat, tiah theih a si.

“Mipi tonkhawmnak kan neih laiah bomb 3 in thlak. Kan rak tlansuah man ruangah thi le hriamhma ngah kan um lo.

Mipi tonkhawm lai ngelcel bomb in thlak hi Dalan an um ruangah a si ko. Temple lawng a siat,” tiah tualsungmi pakhat in a rel.

SAC ralhrang hin Fighter vanzam ih bomb a thlaknak ကျောက်ပြင်သာ khaw kiangkapah doawknak thawmvang hrimhrim a um lo ih sullam nei loin bomb a thla, tiah theih a si.

 

Be the first to comment

Leave a Reply

Your email address will not be published.


*