Mipa thluak hnakin nunau thluak 0.4°C in a sa (hot) sawn, tiah Scientist pawl in an hmusuak.
A sullam cu milai thluak hi a kelte cun 40°C si ding a si ih himi 40°C hi mipa pawl lawngih thluak sat dan a si, tiah an sim.
Cambridge phunsang tlawng ih Medical Research Council cun daatkhuai khan (laboratory) ah zingzoinak an nei ih nunau pawl hi tikcu caan ihzirin an thluak sat le daih dan a thlengaw, asinan a tlangpithu in mipa hnakin an thluak a sa hrimhrim, tiah an sim.
Brain Journal ih tarlang dan vek asile nunau kum 20 le kum 40 karlak hnaṭuantu minung 40 pawl parah hliakhlainak an nei ih zing, sun, zan tiin Royal Infirmary of Edinburgh ah an taksa hlum dan tahnak an nei.
An hliakhlaimi pawl cu 38.5°C lan hrawng fang si hai dingin an zum laiah thluak dintuah dan ahcun a tlangpithu in 40°C hnakih a sat hleiah ṭhenkhat cu 40.9°C tiang a thleng, tiah an sim.
Nunau thluak hi mipa thluk hnakin 0.6°C tiang a sa sawn thei, tiah an sim vivo. Curuangah nunau hi mipa hnakin an phur (Hot) ringringnak a si, tiah an sim.
Nunau cu mipa hnakin an thluak an hmang tam. Ziangkimah an phur, an tha a tho thei ringring.
Innsang khalah mipa hnakin nunau hin an khawruahnak an hmang tam deuh. Seherhmi le helhkammi khal an nei tam sawn.
Thil tenau men khalah nunau cu zan itthat thei loin an um. Thil si lolo ruat buai in an thluak a bang thei zet.
Thluak an hman natsat tuk ruangah mipa hnakin an tar ol cuang, tiah an sim vivo. Asinan tar ol ruangah thih olnak a si cuang lo, an ti hrih.
Khatlamah nunau cu mipa hnakin an khawruah a tawi ih an beidong a ol. An thinnat khal a ol ih an lungawinak khal thil lolamte menah a ṭhumaw.
An tuarnak a khungkhai tuk. Harsatnak khal mipa hnakin an tuar thei sawn, an tuar a fai, tiah an hmusuak vivo.
Hi pawl hi ziangruangah ti asile mipa hnakin an thluak a sat sawn ruangah a si, tiah an sim.
Leave a Reply