Mino pakhatin ralhrang hnenah lungmankhung turu zet a hlu

July 7 ahkhan Myanmar mino pakhat cun Myanmar Tatmadaw (ralkap) hrangah lungmankhung (ruby) a pek thu Min Aung Hlaing in a rel.

“Myanmar rampi le Tatmadaw duhdawttu mino pakhat cun a pi le pu san lai ihsin an rak kilkhawimi an ro sunglawi lungmankhung (ruby) in pe.

Hi lungmankhung hi tuanvoneitu pawl in an zohfel tikah a mankhung zetmi Ruby a si, ti an hmu.

Curuangah Tatmadaw lam khalin rampi hrangah a hlansawng,” tiah Min Aung Hlaing cun a sim.

Tatmadaw ihsin rampi hrangih an hlumi Ruby hi 2789.25 carat a si ih hardness 9 a nei ih density 3.99 a si. A rong cu red with purplish tint a si ih Mogok lungmankhung suahnak hmun ih an laihsuahmi a si, tiah theih a si.

Hi lungmankhung cu rampi lungmankhung (SAC lungmankhung) tiah hmin sak a si ih a hlutu mino khal a phutawk sunlawihnak pek a si ding, tiah theih a si.