Mino pakhat hnen ihsin ralthuam turu zet ralhrang in an kai

Mandalay ah mino pakhat hnen ihsin Shooting Rocket kahnak RPG an kai, tiah SAC ralhrang in thu an suah.

May be an image of text

Mandalay ramthen, Aye Chan Tha San peng, Thiri Mingala ih Apparment hmunram sungah mino pakhat cu Shooting Rocket kahnak RPG thawn an kai ih ralhrang motor tam zet ra in cekfelnak an nei rero, tiah theih a si.

“Mino 3 an ra ih 1 an kai. Ralhrang motor 9 rori in an ra cek,” tiah Mandalay khuami pakhatin a sim.

May be an image of 3 people, people standing and text that says 'MDY image'

An kaihnak hmunram hi Mandalay khawpi laifang lamzin 73 le 74 karlak, lamzin 26 le 27 larlakah a si. Ralhrang 50 rual cun appartment sungih inn pawl lutsuak in an dap rero.

Hi thu thawn pehparaw in zo pawlkom an si timi lawngte theihfiang a si hrih lo.

Tu hrawng hi SAC ralhrang in Mandalay khawpi sungah mi an kai phahphah. Mani June 23 ah Mandalay Nyaung Kwei veng ih nunau kum 20 mi pakhat an kai.

May be an image of text that says 'MOY Y M mage'

Tihni zan khalah Mandalay Patheingyi ih inn pakhatah meithal a puak ih inn sangtu pawl an um lo ruangah inntek an kai, tiah theih a si.

Be the first to comment

Leave a Reply

Your email address will not be published.


*