Mino hnenih thucah (10)

1. Nangmah lawng khualtlawng hnik: Na sungkhat, rualpi sawm tel riai loin vei khat hman na feh hrih lonak hmunah tlawng aw.

Na hmuh dah lomi, na ton dah lomi thil thar hawlsuah tum aw.

Nunphung bangaw lo pawl ih ziaza va hliakhlai awla ṭong phun dang tla theih vivo tum aw.

Na thinlung, na khawruahnak pawl ṭhangharhter awla na ke rori ih dinsuah tum kei ci.

gb}Young travellers broadening their horizons{:} | Four Communications

2. Nangmah le nangmah zo ka si, timi theihsuakawk tum aw: Tui’ caan hi nangmai thiltitheinak na theihsuakawk ih na talent kha a tak ram ih phorhsuak dingah a tikcut laifang a si.

Na lungthlitum vekin na zeizongza ih na thlun a ṭul. Na thinlung ih ummi vekin tuah aw.

Na thathonak dingin cokphuraw nasa awla thil lolamte menah diriam mai hlah. A ṭha thei bikin zuam aw. Na hringnun hrangih na hmuitinmi pawl cangsuak dingah nehnak in lamzin ihsin a lo hngak.

Những câu nói hay về vẻ đẹp của phụ nữ

3. Na kommi hril fimkhur aw:Mino na si lai caan ah mah pak lawngih khawsat a theih lo. Asinan na kommi rualpi kha a thupi tuk ve.

A hnen ihsin zir dingmi um pawl lawng kawm aw.

Ṭhanso zuammi, fimzirnak ngaina le thazang mi pek thiam rualpi na hril thiam a ṭul.

Lamzin dik le dik lo, khihhmuhtu rualpi na mamawh.

Young tourists with backpacks and map traveling together - Stock Photo - Dissolve

4. Sunralnak le zuamnak ṭih hlah: Tu na dinhmun ah thinlung nasaten seng in thil thar na tuah thei vanglai a si.

A cangah cun na thil thar sersuahmi ah thanau caan na nei ih hlawhtling lo vekin na theihawk ruangah na beidong mai ṭheu.

Cutikah sunzom ih tuah peh na paih thei nawn lo. Thil dang ka tuahsan men ding, tiin hna dang na ṭuan tum.

Na kiangkap zoh awla zir aw. Zuam hrih a ṭulnak ah zuam ṭenṭo hrih aw. Zuamnak le taimaknak tel loin hlawhtlinnak a um lo.

5. Tikcu leitek thiam aw: Milai hin ni khatah nazi 24 cio kan nei ih second khatte khal a rak  ṭangkai tuk.

Caan pamlakter men loin na neihsun na caan kha upat thiam aw.

Na tuah dingmi hna pakhat hrang cu zat, kha zat tikcu pek a ṭul, timi bikhiah aw.

Thinlung thawidamnak hrang khalah caan tawkfang na pek thiam a ṭul.

Innsang hrang, ngaizawng hrang, hnaṭuannak hrang tivekin caan bikhiahten hmang aw.

6. Na parih ṭhatnak tuahtu pawl hngilh hlah: Na parah thil ṭha tuahtu an um tikah ṭongkam pau veuvoten lungawithu sim aw.

Cuticun ziangtik lai khalah bawmtu na tlasam dah lo ding.

A lo bawmtu pawl hlawhtlinnak na ton nikhua ah hngilh pang hlah.

Cun, nangmah khal mi bawmtu, peksuah nun nei aw. Ziangahtile mi khalin na ṭhatnak rak hmuh ve hai seh.

7. Thil danglam polsuak hnik: A caancaan ahcun hringnun ahhin thil hlun lawnglawng cu nin a um duh zet.

Curuangah na hringnun danglamter thei le, nangmah khalin lehhnu ih na zohawk caan ah hnihsuak khop ih mak thil danglam zet tuah aw.

8. Hlimnak tuah aw: Mino hrangah hna lawnglawngih bun ngernger a nin um ṭheu.

Nun hlimnak pakhatkhat, lehpannak tivek pawl tuah phahphah a ṭha. Thluak fimvarnak le harhdamnak khal a si ih a sual lo lawlaw.

9. Biaknak lamah peaw aw: Mino, thinlung pitling zo na si ruangah na hnaṭuan le nitin na khawsaknak hrangah biaknak na sunsak thiam a ṭul.

Sakhua nei lo, cangai men bangin na um asile hlawhtlin ngaingai a har.

Hringnun ih kan ṭulsammi ziangkim in pe theitu hi Pathian lawng a si.

10. Ziangkim pom thiam aw: Hi khawvel famkim lonak leitlun ah kan duh vekin thil a cang lo ṭheu.

Hi caan ahhin mino tam zet cu thisen hlum vutvo in an ruahsan vekih thil a thlen lo tikah thih mai an duh ṭheu.

Curuangah nang cu ziangkim na parih thlengmi pom hahdam thiam aw. Cucu hringnun nehnak karlak khal a si fawn.

 

 

 

 

Be the first to comment

Leave a Reply

Your email address will not be published.


*