Mingaladon vanzam ralbawi pawl cawlhbuk bomb in an deng

Mingaladon vanzam ralbawi pawl cawlhbuk bomb in an deng.

Yangon ramthen, Mingaladon peng, Pyay lamzinpi sirih vanzam ralbawi pawl cawlhbuk cu December 10, zan nazi 8 hrawngah kut den bomb in an den thu Yangon khawpi thupthiar cangvaitu Last Battle-PDF in an sim.

“Ralbawi pawl cawlhbuk bomb kan khilai. Hriamhma ngah le thi an um le um lo, kan fiang lo.

Bomb a puah hnuah in kap ih kan kirsal ruangah thuhla kan theih nawn lonak a si,” tiah tuanvoneitu cun a sim.

Hi vanzam ralbawi pawl umkhawmnak hi Mingaladon, Pyay lamzinpi le Air Force golf leknak kiangah a um ih vanzam ralkap sekkhawmnak, vanzam ralkap pinsin bomnak, raldo zirnak tlawng ah an hmang ih vanzam ralkap tam zet, hrinsuahnak hmun a si, tiah theih a si.