Mingaladon Air Force Headquarter 107 mmshock missile lung 5 in an phom, ralhrang thi le hriamhma ngah tam.
Yangon ramthen, Mingaladon ih SAC ralhrang Air Force Headquarter cu December 16, zan nazi 8:40 ah 107mm shock missile lung 5 in an phom thu, Yangon thupthiar cangvaitu UG in an sim.
A kiangkapih um tualsungmi pawl cun, “Bomb puak a ring zetih inn tiangin a tlir thei. Bomb puahzawng ah tleu na zet kan hmu ih kan inn parah ruahpi sur vekin leivut an tla thei,” tiah an sim.
Mingaladon Air Force Headquarter bomb puah a si hnuah sizung motor 3 Headquarter sungah an lut, tiah theih a si.
“Ralhrang uico rual an tuar na cek a si ding. Sizung, mina phur motor 3 rori an ra lut,” tiah Air Force thawn naihniam zet, tualsungmi pakhat in a sim.
Atu ahcun ralhrang motor le palik motor a runrun in an thleng ih a kiangkap zohfelnak an nei rero, tiah an sim.
Leave a Reply