Shan ramkulh saklam Tachileik khawpi ah Facebook parih SAC ralhrang camriamnak ca ngantu nupa tuak khat cu daan section 505 (a) sirhsan in an kai, tiah theih a si.
Tachileik peng, ဖန်မင် khawkom, မယ်ယန်း khawmi Daw Khin Latt Latt Htwe le a pasal Ko Zaw Min Oo cu October 22 zan ah an kai.
Ko Zaw Min Oo @ Adam ih hmanmi Zaw Min Oo Facebook Account le a nupi Sayama Daw Khin Latt Latt Htwe ih hmanmi LoneMa Lay Facebook Account ah Min Aung Hlaing ih kaihruai ralhrang pawl mualphonak ca thlahmi an share hleiah, “Sumlut a um lo thawn kan Phone asile a siat betbet, ငိုးမ မအလ” tiin ca an thlah ruangah an nupa in Daan Section 505 (a) in palik pawl in thubuai an orhter, tiah theih a si.
“Annih nupa hi a nupi in a Facebook ah Public hmanin a post lo ih Friends Only in a post. A Friends lakih halhsiktu in palik hnenah a zuar si ko.
A ra kaih khalah thu malte kan lo sut ding, tiin an hruai. မအလ tiih an ngan ruangah an kai, tiah palik pakhatin a rel,” tiah anmah thawn naihniamaw zet mi pakhatin October 25 ah Tachileik News Agency hnenah a sim.
Leave a Reply