Thailand palik ih an kaihmi မူးယစ်ရာဇာ ထွန်းမင်းလတ် ih neihmi sumpai, Hotel le motor telin Thai Baht 1.8 Billion man cu Thailand palik in an lonsak, tiah Thai thuneitu pawl in an than.
September thla ah မူးယစ်ရာဇာ ထွန်းမင်းလတ် le Thailand mi 3 pawl cu Thailand Bangkok ah kai ih rittheih sivai thubuai, daan sian lo Black money thubuai orhter an si hnu, an thubuai zoihnit vivo a si ih မူးယစ်ရာဇာ ထွန်းမင်းလတ် neihmi cawlhbuk, hotel, motor, hlawnthil, inn le sumpai telin Thai Baht 1.8 billion man Thai Palik in an lonsak, tiah theih a si.
Thai thuthennak zung ih an simdan vek asile မူးယစ်ရာဇာ ထွန်းမင်းလတ် hin thubuai pisirh 2 a nei ih pakhat cu 2019 lai ihsin an thlingthlak rero zo thu theih a si.
မူးယစ်ရာဇာ ထွန်းမင်းလတ် hi Min Aung Hlaing thawn khursungsuak thilri laihnak, hotel le Energy Industry lamah hnatuantlangtu an si ih 2019, Bangkok ih ralthuam hmuhnak puaipi ah Min Aung Hlaing thawn an fehtlang dah fawn.
Leave a Reply