Min Aung Hlaing ih sawmnak kan cohlan ahcun misual tak kan si ding: KNU

Myanmar ram pumhuap in dothlengnak tuah rero laiah SC ralhrang thawn tonawknak neih ding timi cu, ‘mi hmukhmak, mi-aa ka si’ ti thawn a bangrep tiah KNU thuphuangtu P’doh Saw Taw Nee cun a sim.

May be an image of 1 person, standing and text that says 'P'doh Saw Taw Nee CSC Member KNU Foreign Affairs Department'

SAC ralhrang cun remdaihnak hrang tonkhawmnak nei dingah tlangpar hriamhrei kai pawl a vei hnihnak a sawmsal thu ah KNU ih lungput cu tu bangtukin a sim.

“Kannih cu kan thukhammi parah hngetten kan ding ko. Ralhrang uknak dirthla dingah kan zuam ding. Ralhrang uknak dirtla si loin politics ih an tel ringring hi kan thukham in a cohlang thei lo.

Cuti si loin an lam, kan lam timi  thu ahcun zianghman danglamnak a um dah lo ding.

Mah le pom dan cio a si ko ih tuvekin sawmnak ngai poimawh in kan feh a si ahcun hi tlukih misual si teh a umaw nawn pei maw,” tiah P’doh Saw Taw Nee cun a sim.

SAC ralhrang cun April ah a vei khatnak tlangpar hriamhrei kai pawl thawn tongaw dingin sawmnak a nei ih pawlkom picang pawl an tel lo.

Curuangah a vei hnihnak sawmnak June 14 ah a neisal. Tonawk duhtu cu June 30 ni netabik khiahsak a si.

May be an image of 1 person

SAC ralhrang in a vei khat sawmnak ahcun NCA hminkartu lak ihsin pawlkom 6 a simi RCSS/SSA, NMPS, KNU/KNLA-PC le ALP pawl an tel in NCA hminkar lo ihsin UWSA le NDAA an tel.

 

Be the first to comment

Leave a Reply

Your email address will not be published.


*