Min Aung Hlaing ih Kum Thar thucah

SAC ralhrang mangpa Min Aung Hlaing in 2023 hi kilkip thansonak le remdaihnak hmel thar kan hmuh kum a si ding, tiah a sim

2023 hi ram pumhuap in kilkip thansonak le remdaihnak ih rahsuah kan tep thok kum a si ding, tiah SAC ralhrang mangpa Min Aung Hlaing in kum thar thucah ah a sim.

Myanmar rampi thuanthu mawi ngan suak theinak remcang le tlangpar miphun pawl ih neihmi kum a si vekin hi tikcu remcang hlohralter lo dingin a beisei thu Min Aung Hlaing cun a sim.

Cu hleiah Democracy le Federal uk-phung in rampi dinsuah a si theinak dingah lungrual zetih kekar ding a si vekin SAC ralhrang lam cun sangka zaten on a si ih a lut duhtu pawl lungawi zetin hmuah an si thu, a rel peh vivo.

Vote cazin diklo, phuahlam in rampi thuneihnak latu SAC ralhrang mangpa Min Aung Hlaing cun tlangpar miphun pawl duhsak zetin a rel ih 2023 hrilawknak khal hmun kawmker tiang tuahsuak thei dingin zuam a tum thu a sim fawn.

No description available.

SAC ralhrang le dothlengtu pawlkom, tlangpar hriamhrei kai pawl thawn 2021 February ihsin 2022 November tiang doawknak ttum 7800 lenglo a suak zo, tiah ISP Myanmar cun November ah thu a suah dah.

Be the first to comment

Leave a Reply

Your email address will not be published.


*