Yangon, Mayangone, Shwe Hnin Si lamzin le Shwe Hnin Si (7) lamzin ih SAC ralhrang mangpa Min Aung Hlaing ih farnu Zin Zin Hlaing ih inn cu July 11, zan nazi 8:10 ah Yangon thupthiar cangvaitu HTY-Battalion in bomb an puah.
July 11, zan nazi 8:10 ah Federal Liberation Army (HTY-Battalion) le Union of Myanmar Civil Defense-UMCD tangrual cun Mayangone ih Min Aung Hlaing farnu Zin Zin Hlaing ih inn cu bomb in an deng ih a inn sung ih motor retmi pawl an siat, tiah theih a si.
“July 11 zan ah Shwe Hnin Si lamzin ah bomb a puak. Cumi hnuah peng 9 ih Oo Shin hmaiah a puak. Shwe Hnin Si ih bomb a puah ih minute 5-10 hnuah Oo Shin ah a puak cih,” tiah tualsungmi pakhat in a sim.
Yangon khuami pakhat cun Min Aung Hlaing ih farnu Zin Zin Hlaing cu Shwe Hnin Si lamzin A, Kanbawza training kainak lamzin, inn No. 99 ah a um thu, July 11, zan nazi 8 ah a inn ah bomb puah a si thu, a inn hi ralhrang thawn pehtlaihawknak an neih thu, a sim.
June 3 laiah Zin Zin Hlaing ih inn hi bomb puah an rak tum dah zo nan, an hlawhtlin lo hnu July 11 ah an puah ngah thei thu Yangon thupthiar cangvaitu pawl in an sim. Inn kiangkapih hunmi motor le thilri pawl a siat ih minung siatsuah an um le um lo, thulaknak cun an tarlang lo.
Lemthai thiam Khin Hlaing le Daw Hla Mu tei’ nupa hin fate 5 an nei. Fanu Zin Zin Hlaing, fapa Tun Aung Hlaing le midang an si ih a palitnak fapa cu tui’ ralhrang mangpa Min Aung Hlaing hi a si.
Leave a Reply