2021 ih Myanmar rampi thuneihnak latu SAC ralhrang parah US in hremnak nasa zet pe dingin a zuam rero laiah Min Aung Hlaing cu July 12 (tlawngkainihnih) ah Russia ram ah a tlawng, tiah Russia media in a tarlang.
Russia ram khawpi Moscow ah Min Aung Hlaing cu ‘bulpak’ poihainak men ih tlawng a si, tiah Myanmar ih Russia Embassy zung ih Interfax thuthang cun a phuang.
“Myanmar nunphung thilri retnak center pakhat on puai ah a va feh,” tiah Russia Embassy cun an sim.
Media thenkhat cun Min Aung Hlaing hi Moscow a fehnak san bik cu Tlolak (Space) zirnak le Nuclear ralthuam Agency hnatuantu pawl tong dingih feh a si, tiah an tarlang ve.
US ramdang palai Antony Blinken cu Myanmar innhnen Thailand ram ih a camban laiah Democracy cangvaitu pawl thawn tonawknak an nei.
Hi tonawkkhawmnak ah Myanmar rampi thuneihnak latu Min Aung Hlaing hrem dan ding an rel ih curuangah Min Aung Hlaing cu thinhar in a thinhar thawidamnak ah Moscow feh a si, tiah reltu an um.
Leave a Reply