Milai lung aiah vok lung hlawhtling zetin an thlengh thei

USA ih surgeon thiamsang sibawi pawl cun kum 57 ih upa David Bennett ih lung ṭha lo cu vok lung in hlawhtling zetin kan dung zarh tlawngkai ninga ah an thlenghsak thu zarhpini January 9 ah an tarlang.

https://s9.kh1.co/__image/w=650,h=362,q=100/00/0025a8e2b9ab3222072af8d05dd21f28a9de64e9.jpg

David Bennett hi a lung ah vok lung an hmansak ihsin ni thumnak khalah a harhdamnak a ṭhat zet thu sibawi pawl cun an sim.

Milai lung aiah vok lung thlakthlengsak hi tui’ṭum a vei khatnak a si ih nazi pasarih sung rori rei in sibawi pawl cun an buaipi, tiah theih a si.

David Bennett hin vok lung hi ziangtik tiang a ṭhatpi vivo ding, ti theih a si lo ih a nunnak runnak hrangah a duhhrilnak umsun a si ruangah vok lung hmang an si thu amah in a rel.

David Bennett cun, “Vok lung hman lo asile ka hrangah thih ding hril sawn a ṭul,” tiah a sim.

University of Maryland Medical Center ih hnatuan sibawi pawl cun hi thlakthlengnak (transplant) hi an tuah theinak dingah US Medical regulator lam cun siannak le theihthiamnak an pe.

Nikum October thla ahkhan Nwe York sergeon thiamsang pawl cun milai taksa ah vok lung hi hlawhtling takin an thlengh zo thu an rel ko nan, himi ṭumih an bunsakmi hi thluak thi zo, damsuah ruahsan ding um nawn lo a si thung.

https://s9.kh1.co/__image/w=650,h=866,q=100/03/03652c1262ca83764e5d5b55a5e044aa1f67c5f0.jpeg

Asinan David Bennett lawngte dam lai keukeu ih vok lung an bunsakmi a si ih a ṭhatpi an beisei zet fawn.

Be the first to comment

Leave a Reply

Your email address will not be published.


*