Mifimvar pawl hi mai’ milaipi thawn pehtlaihawknak lawng si loin hnatuannak le thil dangdang khalah an rak tawk hrimhrim, tiah an sim cio.
Mi pakhat cu mi zaran hnakin a cuangmuar deuh rori a si, timi ziangtin kan theithei ding.
Kwee Page in mi fimvar pawl hnenih an hmuhmi ziaza pawl kan zoh hnik pei.
1. Thil thar an ngaihven: Annih cu mi zaran hnakin an thluak a virvat ih thil thar an ngaihven.
Thil pakhatkhat anmah thawn pehtlaiaw lemlo khal theih an cak ringring. An theih duh vekin an zingoi paih taktak.
Curuangah mi hnakih an cuangcuan theunak a si.
2. Nuam zetin an khawsa theu: Annih cu hnihsuah capohsai tla an paih.
An rualpi pawl hlimter theinak huham an nei, Mi zaran hnakin an thluak a tha ih thumak zetzet rel in hnihsuak an sai theu.
Annih pawl thawn umtlang si cun ni a tawi duh zet.
3. Mi zawnruahnak thinlung an nei: Annih cu midang parah lainat, zawnruahnak lungthin an nei ringring.
Thenkhat thluak tha zet pawl cu mai’ tanghma lawng an sual laiah mifimvar pawl cu cuvek an si ve lo.
Thluak that menmen le fimvar a bangaw lo, tinak a si cu!
4. Ziangkim a thazawng in an hmu: Mifimvar pawl hin buainak pakhatkhat a suah tikah an thinlung cuvekah an hmang tuk lo.
An ngai liam men theu ih buainak picang khal tenau zetin an hmu.
Buainak tenau cu an hrangah reltlak khal a si lo. Cule ziangkim hi a tha bikin khua an khang lohli men.
Leave a Reply