Mi lakih kan rellang dah lo dingmi kan bulpak thuthup (7)

1. Mah ih thuthup le mi ih thuthup:

83% single Indians comfortable in meeting in-person | Odisha News In English

Rualpi thawn kan tititlang caan ah kan karlak thu le hlawknak ummi pawl lawng rel ding a si. Cuti si loin midang siatnak va rel ciamco khi hrial tum hramhram ding. Mi pakhatin kan hnenah a thuthup a phuansuahmi khal midang hnenah va tlangthansak lo ding. Rinsan zetih mi ih thuthup in simmi cu kanmai’ thuthup vekin kilkhawisak ding kha kan ṭuanvo a si ve. Cun, kanmai’ bulpak nun thuthup khal a ṭul lo tiangtiang va rellangawk ciamco a ṭha lo.

2. Mai’ neihsiah:

12 Signs Someone Isn't Really Your Friend

Mi ṭhenkhat cu mai’ neihsiah inn le lo, motor le sumpai, sui le ngun tivek midang hnenah rel nuam an ti. Hihi tluangkhawnnak phun khat a si ih a rak ngaitu hrang khalah hlawknak a um lemlo. Khatlam ah ruk le siatsuah theimi thilri an si tla cun kanmah le kanmah dinhmun derthawng zetah kan retaw tinak tluk a si.

3. Sumlut:

guy-listening-to-girl - RVCJ Media

 

Hna pakhatkhat kan ṭuan tikah kan sumpai hailuhmi hi kanmai’ innsungsang bak loin thei hlah hai sehla a ṭha bik. Cuti si loin mi tinkim va sim ciamco khi uanawknak a si hleiah mi in in hnahsik thei fawn. Hihi thuthup pakhatih kan kilkhawi dingmi a si.

4. Mai’ tumtahmi:

What Suicide Attempt Survivors Want You to Know | Health.com

Mai’ ṭuansuah ih hlawhtlinnak kan hmuh khi kan diriam cio ko. Asinan hmailam kan tumtahmi lawngte rel hrih lo a ṭhatnak lai a um. Kan tumtah vekin zianghman a thlen lo tikah mi ih nautat kan hlawh thei. Cu lo khalah kan tumtah thupmi mi in in theih tikah kanmah hnakin an rak tuah hmaisa thei lala.

5. Mai thil tuah ṭhatmi:

Two Happy Women Talking Sitting Arkivvideomateriale (100 % royaltyfritt) 1023206425 | Shutterstock

Tulai san ahcun zianghman a thuptei’ kan tuahmi a um nawn lo ti sehla a sual lo ding. Social media ah harsa kan bommi, thil ṭha tuah ih kan ruahawkmi zaten kan pholang thluh. Thil ṭha tuah cu a sual lo. Asinan mi damlo kan veh ih kan post, mi harsa kan bawm ih kan post awk hin kan zukpi mi hrangah a nuam lo zet. Post awk tengteng lo khalah mi lakah ‘cumi khami ka tuah, ka bawm’ tiih tlangau khi a puarthau hna thotho a si.

6. Mai uarzawng thil:

Why Is Your Girlfriend Ignoring You All of a Sudden? How to Fix It

 

Mai uarzawng thil ti tikah lehpannak lam, sumdawnnak le politics thu tivek kanmai’ tuizawng khi a caan ahcun kaa thaw zetih kan rel ringring a ṭul lemlo. Kan uarzawng thil rak uar ve lotu hrangah ngai a nuam lo zet timi kan theihsak a ṭha. Hi khal hi thuthup cu a si ciamco lo nan, cintawk kan thiam a ṭul thotho.

7. Mai’ innsang buainak:

Rights vs. Privileges: What Do Our Kids Deserve from Us? | Empowering Parents

Innsang tin hin mah le phutawk buainak kan nei cio. Cumi cu kiang le kap venghnen le rualpiza lakih rel ciamco a ṭul lo. Mah le mah mualphohawk le taw hlipawk tluk a si ih a ṭha lo zet. Damlo thu ahcun sibawi hnenah rellang ding a si ko. Innsang harsatnak khal kan komngaih bik rualpi ṭha hnenah ruahnak dil phah ih rel cu a poi lo. Mikip hnenih rel lawngte a ṭha lo.

Be the first to comment

Leave a Reply

Your email address will not be published.


*