Mi an ṭhat lo vio khal le Nang tal ṭhat suah hramhram aw

‘Ka parih na ṭhat ahcun kei khal na parah ka sual ve ce lo’ timi ṭongṭhimnak an hman na thei ṭheu ding. Asinan hihi hngilh men aw.

No description available.

Mi in na parih thil ṭha an tuah ruangah an parah ṭhat na suah thei fang a si ahcun misual tak na si, tinak a si.

Miṭha cun a parih thil sual tuahtu hman a duhdawt thei. Mi ih thil tuah dan vek cekci ih va thungrulh khi nang ih tuah dingmi a si lo.

Milai cu mai’ thuanthu kan ngan cio a si kha. Mi in thil ṭha lo an tuah asile an thuanthu mawi lo zetin an ngan tinak a si mai.

Cui’ thuanthu mawi lo cu nang in na zohṭhim ding, tinak a si cuang lo.

Misual zet siseh, mi hlothlau zet siseh an tuahmi na va cawn vivo asile nang cu mi dungthluntu men na si. Cuti si loin nangmah rori kha hruaitu ṭha va si tum sawn aw.

No description available.

Cun, na ṭhatnak khal mi ih lo theihpi ciamco a ṭul fawn lo ih nangmah le nangmah tluangtlamtei’ na um hnuhnu mi ih an lo ngaisan lo khalah a poinak a um lo.

Tung feh milai hin mi ṭhatnak siseh, siatnak siseh taktakte cun an ngaihsak lemlo sokhaw.

Mi harsatnak na bawm, thil na pe ih a ṭha zet. Asinan na bom, pek thei lo nikhua a ra thlen caan ah an lo vuivai leh ding.

No description available.

Cuvek caan khalah daiten umsan men aw. Milai ih kan tahawknak cu midang parih thil ṭha tuah lawng a si ahcun nun in manmual a nei mal lo. Midang parih siatnak na tuah lo takah mi ropi pakhat na si thotho.

A lo camsetu pawl parah phulak duhnak va nei hrimhrim hlah. Cuvek thinlung na neih asile anmah thawn nan bangaw tinak a si ding.

Khuanu cun a mawitawk in a lehrul leh ko ding ih cumi caan cu nang ih rak hngahhlap ve ciamco khal a ṭul hran cuang lo.

Mi an ṭhat lo vio a si hmanah nang tal ṭhat suah ṭnṭo aw.

No description available.

Kan leilungpi hin nangmah pakhat ruangah ruahsannak a neih phah thei ih a damrei phah thei.

Be the first to comment

Leave a Reply

Your email address will not be published.


*