Meithal 9 a hlohter ruangah SAC in khawlal kum 90 thawngtla dingin daantat

PDF ih kahnak ruangah meithal 9 sungraltu khawlal, SAC ralhrang in kum 90 thawngtla dingin daantat.

Mandalay ramthen,  မြင်းခြံ peng, ပျော်ဘွယ်စံပြ khawlal cu July le September ah Natogyi PDF in ttum hnih an siim ih meithal 9 an laksak.

2022, July 29 ah PDF in a vei khatnak an siim ih carbine meithal 1, shotgun 1 le ziandawng 20 an laksak ih ralhrang captain 1 a thi fawn.

2022, September 29 ah vei hnihnak an siimsal ih khawlal inn ah zohman an um lo nan, meithal 7 an tanmi an laksak thotho.

Hi meithal pawl hi SAC ralhrang in Pyusawthee pawl hrangih a pekmi an si ih sullam nei loin khawlal in PDF kut ah a thlenter ruangah khawlal cu an kai ih kum 90 thawngtla dingin daan an tat, tiah theih a si.

 

Be the first to comment

Leave a Reply

Your email address will not be published.


*