December 15, zan nazi 6:55 hrawngah Sagaing ramthen, Chin ramkulh, Rakhine ramkulh, Mandalay ramthen le Shan ramkulh telin ramkulh/ramthen tam zetih mipi hmuh theih dingah van tlolak ah meikhu-tleu a zam.
Himi thu thawn pehparaw in Myanmar Astronomy & Science Enthusiasts Society (MASES) cun, NASA ih thlahmi Rocket si loin India ih thlahmi Agni-5 Ballistic Missile a si, tiah a nemhnget.
MASES cun, van boruak ih meikhu tleu zammi hi NASA ih Satellite phurtu Falcon-9 rocket a si lo vekin SWOT timi mission ih hnatuanmi khal a si lo. SWOT mission hi thlahsuak dingin an tum nan, a ni an tthawn a si, tiah an sim.
India Defense Ministry zung in December 15 le 16 ah Agni-5 Ballistic Missile kap suak dingin thu an than ruangah himi hi a zumtlak bik,” tiah MASES cun an sim.
Asinan, India hin thuhla cipciar in a sim nawn lo.
Thuthang dang ahcun, NASA in hi meikhu-tleu zammi hi leilung naihniam zetih zammi arsi kek-phel 2022 XO a si, tiah an simfiang, tiin an ngan.
Hi leilung kek-phel vaktawi cu NASA ih durbun in zoh a si tikah pi 64 tlukih sah arsi kek-phel (asteroid) a si.
NASA cun hi arsi kek-phel hi ni reilote sung a zuang dingih leilung parah a tlak pang a si ahcun tihphanza a si, tiah thu an suah.
Atu ahcun leilung ihsin Km 3.2 million hlatnak ah a zam ih nazi 1 ah km 30888 cak in a khawhaw rero, tiah Hindustan Times in a tarlang.
Leave a Reply