Yangon, Mandalay le atu ih sak rero laiami Nay Pyi Taw phunsang tlawng cu leitlun ih phunsang tlawng tha bik cazin ah tel thei dingin kan zuam ding, tiah SAC ralhrang mangpa Min Aung Hlaing in a sim.
“Yangon phunsang tlawng, Mandalay phunsang tlawng le Nay Pyi Taw phunsang tlawng pawl cu rampi phunsang tlang ropi zetah hlankai a tul vekin leitlun phunsang tlawng tha bik pawl cazin ah tel thei dingin kan zuam ding,” tiah Nay Pyi Taw Council Area, Zabbu Thiri Township ih Naypyitaw State Academy (NSA) sakmi a va halhnak ah tuvekin Min Aung Hlaing cun a sim.
Nay Pyi Taw hi acozah zung umnak a si vekin Pyitaungsuh hmunram a si ih acozah hnatuan innsang pawl ih hrinthar pawl hrang fimthiamnak khaisan dingah fimthiamnak innpi le zirnak zung pawl sak dingah tuanvoneitu pawl thawn relkhawmnak an nei.
Naypyitaw State Academy (NSA) project khal a takram ah cangsuak thei dingin an zuam ding thu Min Aung Hlaing cun a sim.
Leave a Reply