Chin ramkulh, Matupi peng, Pha Nai khua ah July 15, zinglam nazi 11 hrawngah Chief Strategist ဗျူဟာမှူး ih rinsan zetmi Mayor Than Naing Win kah that a si.
Mayor Than Naing Win kah that an si hnuah CDM sibawi in a nupi telin mi 6 cu SAC ralhrang in an kai, tiah theih a si.
Major Than Naing Win kah that a sinak thu thawn pehparaw in Pha Nai khua ih um CDM sibawi le a nupi cu July 16 ah SAC ralhrang in an kai, tiah Pha Nai khuami pakhat cun a sim.
“Ralhrang major kah that a si ruangah a kiangkapih CDM tuahtu Mandat sibawi le a nupi an kai. Sibawi ih zu suang le zupi beng in sumpai an hawl. Amah in Major a pehtlaih ruangah an kaihnak a si. Hmuan kiltu nupate khal an kai ve,” tiah a sim.
CDF-Matupi in July 17 ih thu an suahnak ah July 15 ah Major Than Naing Win cu kah that a si ih tualsungmi 6 an kai, annih thawn zianghman pehparawknak an nei lo, tiah an tarlang.
Asinan Pha Nai khuami pawl cun sibawi tei’ nupa telin mi 4 lawng an kai, tiah an sim thung.
Leave a Reply