Mara Mino Advisor Pu Puhpa Saihmo CDF-Lautu in that

Chin ramkulh, Sapaw (စပေါ်) khua ih Mara Mino Advisor Pu Puhpa Saihmo (ပူဖာဆိုက်မို) cu CDF-Lautu in an kaih hnuah an that ih a ruak cu Bawinu va ah an hlon, tiah MATC sungtel pakhatin Chin World Media hnenah a sim.

May be an image of 2 people and people standing

Pu Puhpa Saihmo hi October 30 ah biakinn a khawmnak ihsin inn a tinnak lamzin ah CDF-Lautu in an kai ih November 1 simlam ah Bawinu va ah a ruak an sar thu MATC sungtel pakhat cun a rel.

“Zarhpini ah an khuaစပေါ်  biakinn ah a khawm. Khawm ttiak inn lam panih a tin laiah CDF-Lautu in an kai. An kaih hnu a thuhla kan thei nawn lo. Asinan November 1 zing ah Bawinu va ah miruak pakhat sar a si.  India ramri khawmi pawl in tiva ah an sar.

May be an image of 1 person

A hmuihmel a siat tuk ruangah zo a si ti hman theih a si lo. A sungkhat pawl in an zoh that hnu lawngah amah a si, ti an thei fang,” tiah a sim.

CDF-Lautu ih thahmi Pu Puhpa Saihmo hi Mara miphun umnak စပေါ် khua ih Mara Mino Pawlkom Advisor a si ih MATC/MDF thawn pehtlaihawknak an nei lo ih ‘Dalan’ khal a si lo, tiah MATC sungtel pakhat cun a sim.

A ruak an sar caan ah a taksa pum cu vuak durhnak hriamhma in a khat ih a ha pahnih lawng a tang, tiah anih cun a sim bet.

Chin ramkulh စပေါ် khua hi Mara le Lautu ramri cuh buaiawknak khua a si ih a tam sawn cu Latu-mi khawsaknak khua a si, tiah theih a si.

Be the first to comment

Leave a Reply

Your email address will not be published.


*