Mizan January 6, zan nazi 12 hrawngah Malaysia ram, Kuala Lampur ih Chinmi tampi umnak Jalan Imbi veng ah Malaysia acozah Immigration in mikhual cazin la in an luhhnawh, tiah theih a si.
Ramdangmi 544 an kai ih an kaihmi lakah Chinmi an tam bik, tiah Salay Yaw Mang ih Facebook sirhsan in theih a si.
Malaysia acozah cun tuni January 7 zing ah, “Immigration hmalaknak in Myanmar ihsin ratu Chinmi Refugee Card nei lo pawl hlawhtling zetin kan porhsuak ngah,” tiah thu an than.
Kuala Lampur, Jalan Imbi ah zanlai patum ih kaihkhih cangvaihnak neitu hi Immigration Department an si ih an Director Datuk Seri Khairul Dzaimee Daud khal a tel, tiah theih a si.
Leave a Reply