Lt. Gen. Than Hlaing a thi lo nan, a lu ah hriamhma malte a pu ih cawlh a la lawk

Kan dung October 16 ih Sagaing ramthen, Myaung peng ih PDF pawlkom 13 in Lt. Gen. Than Hlaing ih hohami motor bomb an puah thu ah Lt. Gen. Than Hlaing cu a lu ah hriamhma malte a pu, tiah SAC ralhrang lam sung thu a putsuak.

“Thih cu a thi lo. A lu ah hriamhma malte a pu. Tu fang hi Mandalay ah cawlh a lak laifang a si. Thaizing khi a cawlh lak ni khiah a cem ding ih Monywa ah a kirsal ding,” tiah News Ambassador cun a tarlang.

Saklam-nitlak (NW commander), Home Affairs ih Deputy Minister le Chief of Police hna tuan koptu Lt. Gen. Than Hlaing hi Sagaing ramthen, Chin ramkulh le Magway ramthen sung ral siim hnatuan dingin tuanvo pek a si ih October 16 ah a hohami motor cu lamzin ah bomb puah an si.

“Himi ni ah anih hi Vigo motor a to ih himi motor hi meithal cerek kham motor a si. Asinan motor tam zet cu bomb puah an si ruangah anih khal hriamhma malte a pu hmang. Palik motor le ralkap motor in dung le hmaiin an kulh ruangah a motor khal a him phah deuh. Hi tumah palik tel in mi 12 hrawng an thi,” tiah an sim.

May be an image of 1 person and text

Hi bomb puahnak ruangah Lt. Gen. Than Hlaing khal a thi lakah a tel, tiah thuthang a lengvak lawk hmang.


Be the first to comment

Leave a Reply

Your email address will not be published.


*