Loikaw Airport an kap

Karenni ramkulh ih SAC ralhrang lamcaw sekkhawlnak hmunpi Loikaw Airport ih inn cu Drone in an kap ih thi le hriamhma ngah an um, tiah tualsung thuthang sirhsan in theih a si.

Loikaw Airport hmunram, inn le Airport luhnak ahhin ralhrang rual bu an sep ih cumi cu January 3, zing le zan ah an kap.

“Ralhrang 1 a thi, 3 in hriam an tuar. Airport suahka innpi le khual thlennak khal a siat,” tiah Loikaw Airport ih hnatuantu pakhat in a rel.

Ralhrang rual cun an tuar nat ruangah phungphaithlu loin Loikaw khawpi nisuahnak lamah ralthuam tum an kap ih raltlan nunau 1 a thih hleiah mi 2 in hriam an tuar.

“Doawknak um loin sursum kah in meithal an kap menah ka ruat. Asinan mipi ralkap lamin Airport an kah hmaisat ruangah ralhrang an tuar na tukih pukpi an kap, tiah ka theisal,” tiah raltlan zohkhentu mi pkhat in a rel.

Loikaw Airport kaptu hi zovek hriamhrei kai pawlkom an si, ti theih a si lo ih KNDF le Loikaw PDF lamin thusuah an nei hrih lo.

2022, September 30, zinglam khalah Loikaw Airport ah kahawknak a suak ih vanzam sungih passenger 1 hriam a tuar dah.

Be the first to comment

Leave a Reply

Your email address will not be published.


*