Leitlun thiamzung nupa tuak mawi le koprem bikah Hyun Bin-Son Ye Jin tei’ nupa hril

Huval Hyun Bin le huleng Son Ye Jin tei’ nupa cu leitlun thiamzung nupa koprem bik ah hril an si thu Kbizoom cun a tarlang.

South Korean thiamzung hminthang tei’ nupa hi Korea ram lawng si lo, ramdang tiangih an uar zetmi an si.

Japan media pakhat cun Hyun Bin le Son Ye Jin tei’ nupa cu leitlun thiamzung nupa lakih mawi bik le koprem bikah a hril ta riai.

Hyun Bin le Son Ye Jin tei’ pahnih hi Negotiation zuknung 2018 ah hmaisabik an tongaw. Cun, Crash Landing On You 2019 ah vei hnihnak an tongaw leh ih cutin an karlakah duhdawtnak a sem thok vivo.

2022, March thla ah neihawknak puai ropi tuah in innsang an dintlang, tiah theih a si.

Annih pahnih hi ‘Crash Landing On You’ timi zuknung a suah ih mipi in an zoh vanglai takah a thupten rak tongaw (date) in tikcucaan an hmang, tiah titi lenglawng a tam.

Drama sung lawngah si loin a leng khalah boruak an nei tha zet, tiah theih a si ih cumi cu mipi pawl ih ngainat an hlawhnak le an hminthannak ah a cang vivo.

Japan media in thiamzung nupa koprem an hrilmi ah A-Lister ih an hrilmi lawng si loin  Orlando Bloom- Katy Perry, David Beckham-Victoria Beckham, George Clooney – Amal Clooney pawl khal an tel, tiah theih a si.