Leitlun ih Coffee mankhung bik hi Vui ek ihsin tuahmi ‘Black Ivory Coffee’ a si

Coffee ngaina hrangah leitlun ih danglam zetih thawtnak neitu Coffee phun khat a um.

Hi coffee hi Black Ivory Coffee ti a si. Black Ivory Coffee hi leitlun ah in thei thil lakah a mankhung pawl a si.

Thailand ram saklam Black Ivory Coffee Company Ltd ih tuahmi Coffee a si.

Black Ivory Coffee cu Coffee dang vek si loin a phun dang zetih tuahmi a si. Ziangahtile Black Ivory Coffee hi sai (vui) ek lak ihta coffee rah pawl lakkhawm ih tuahmi a si.

Sai (vui) pawl cun an thil eimi lakah coffee rah an ei tel theu ih cumi cu an ek lak ihta an lakkhawmsalmi a si.

Black Ivory Coffee cu sai (vui) pumpi Digestive enzymes in thianfai a si hnuah protein daat (thaunak) um loin a tuah ta.

Black Ivory Coffee hi leitlun Coffee lakah mankhung pawl a si ih Kg. 1 ah US Dollar 2000 lai a man.

Black Ivory Coffee Company Ltd ih tuahmi sai (vui) ek ihsin tuahmi Coffee cu hotel cangkang taktak ah an zuar theu.

Coffee hai khatah US Dollar 50 laiin an zuar, tiah theih a si.