Lamzin 4 in ral kan do ding: Min Aung Hlaing

Tlolak, lei par, tidai par le tidai hnuai tiin hmun 4 ah thazang kan silhkhah ding, tiah Min Aung Hlaing in sim.

Tidai luh longpi (submarine) ih raldo dan tuangtimnak an neih rero vekin tlolak, lei par, tidai par le tidai hnuai timi hmun 4 ah kan thazang kan silhkhah vivo ding, tiin SAC ralhrang mangpa Min Aung Hlaing in a sim.

December 15 ih tuahmi SAC ralhrang ih Tatmadaw (Air) kum 75 kimnak ah Meikhtila Air Force Base ah hi thu hi a sim.

“Tatmadaw vanzam mawngtu pawl ih thiamnak le long ralkap pawl ih thiamnak kan komkhawm asile kan huham a cak ding ih tlolak, lei par, tidai par le tidai hnuai, tiin Dimension 4 ah kan thazang kan silhkhah ding,” tiah a sim.

Min Aung Hlaing cun Russia raldo vanzam Su-30 SME a thlen bet ding thu a rel ih Tatdamaw pilot hin a hmaisabik an hman dingmi Heavy Fighter rori a si, tiah uar zetin a sim.

SAC ralhrang hin tlangpar ram le PDF pawl ih luah ram ah Fighter hmang in bomb a thlak ih nauhak telin tualsungmi tam zet an thih hleiah inn, biakinn le phungki tlawng tam zet a siat.

Be the first to comment

Leave a Reply

Your email address will not be published.


*