Lamcaw phur SAC ralhrang an kap ih 14 an thi, Captain 1 telin 5 an kai

Lamcaw phur SAC ralhrang an kap ih 14 an thi, Captain 1 telin 5 an kai, meithal 10 le thil dang khal laksak.

Shan ramkulh thlanglam, Karenni ramkulh thawn ritawknak ah lamcaw phur SAC ralhrang motor cu Karenni Army le tangrual pawl in an rak kap.

Ralhrang 14 an thi hleiah nunglai in 5 an kaih thu, meithal 10 le ziandawng/cerek an laksak thu Karenni thuphuangtu in Yangon Khit Thit Media hnenah a sim.

February 19, zinglam 10:30 ihsin zinglam nazi 11 tiang, Karenni Army (KA), Karenni Commando ih hohanak in Karenni Army Battalion 1, Battalion 5 le KNDF tangrual cun ramri BP 12 lamah lamcaw le ralthuam hei phurh tum SAC ralhrang ခလရ Battalion 54 ih ralhrang 30 rual cu an rak bawh ih an kap.

SAC ralhrang captain 1 telin ralhrang 5 an nunglai in an kai ih MA meithal 10 le ziandawng, cerek tam zet an laksak fawn. An kahawknak hmunah ralhrang thi ruak 6 khal an hmuh thu theih a si.