Kyainseikgyi doawknak ah phunsang tlawng kai lai, PDF 1 nunliam

Kyainseikgyi doawknak ah phunsang tlawng kum hnihnak kai lai Mg. Htet Myat Aung nunliam.

Karen ramkulh, Kyainseikgyi peng ah KNLA telin PDF tangrual in SAC ralhrang doawknak nasa zet a suak ih National Revolutionary Guards (NRG-PDF/Saliingyi) sungtel Ko Htet Myat Aung nun a liam, tiah NRG-PDF/Saliingyi in January 7 ah thu an than.

Ko Htet Myat Aung hi a umnak National Revolutionary Guards (NRG-PDF/Saliingyi) hmin in KNU Brigade (6), Red Dragon Column 3 thawn Kyaineikgyi ralhrang sakhan siimnak ah a tel ih January 4 ah nun a liam.

“Anih hi pawlkom kan din pekte ihsin ra luttu a si. Mi daite a si ih hramlak raltlan nauhak pawl cazirhtu tlawng saya khal a tuan ceem. January 4, Kyainseikgyi ralhrang sakhan kahnak ah cerek in a cuap a ngah ih nun a liam,” tiah NRG/PDf Saliingyi ih Deputy Commander Ko Thurein cun a sim.

Atu khalah NRG-PDF/Saliingyi hi Kyainseikgyi doawknak ah thazang suah in an tel rero lai, tiah Ko Thurein cun a sim hrih.

Karen ramkulh, Kyainseikgyi peng SAC ralhrang sakhan pathum cu KNLA le tangrual pawl in January 4 ihsin an kap thok ih ralhrang ခလရ  284 ih Commander Major Min Maung Maung Hein telin ralhrang tam zet an thi, tiah theih a si.

Be the first to comment

Leave a Reply

Your email address will not be published.


*