Kutthlak thubuai Daw Aung San Suu Kyi lamih thu an thlenmi thuthennak zung in pomlo

Daw Aung San Suu Kyi ih innhmun No.54 buainak ah a unau seu U Soe Aung in kut a thlak tiin Daw Aung San Suu Kyi ih sihni in thu an thlenmi cu Union Supreme Court in January 11 ah a pomlo, tiah thuthennak thawn naihniamaw zet hnen ihsin theih a si, tiah RFA in tuni ah a than.

Brother of Myanmar's Suu Kyi seeks share of family property | AP News

Union Supreme Court in an thu thlenmi a pom duh lo ruangah Daw Aung San Suu Kyi le a sihni pawl an tongawsal ih Daw Suu ih fialnak vekin hma an lasak ding, tiah theih a si.

U Soe Aung hin ralhrang acozah hmaisa 2002, May 8 ah Daw Aung San Suu Kyi theihter ta loin a innhmun sungih inn remh dingin hnatuantu pawl ko tahrat in a lut ih Daw Suu in a rak kham ruangah buainak a suak. Cutin U Soe Aung in Daw Suu cu kut a thlak, tiah an sim.

Hi thu ruangah khatlam khatlam zu an tthumaw veve ih Bahan peng thuthennak cun Daw Suu cu lungkhen Ks. 500, U Soe Aung cu lungkhen Ks.1000 kuan dingin a relsak.

Myanmar: Junta Approves Sale of Ousted Leader Suu Kyi's Ancestral Home

Thuthennak zung ih daantatmi cu Daw Suu in a cohlang lo ih sumpai a kuan duh lo lawng si loin pengpi (District) thuthennak ah a thlen ih kum tam zet, relfel thei loin an cawl.

Kum 20 a liam hnu, 2022, May 27 ah Yangon nitlak District thuthennak cun thubuai an tharthawhsak ih Daw Suu ih sihni pawl in an buaipi.

District thuthennak cun 2022, September 6 ah Daw Suu sihni lamih thu thlenmi an rak hlonsak ruangah Union Supreme Court an thleng so vivo. Asinan Union Supreme Court khalin a rak pom lo thotho, tinak a si.

တက္ကသိုလ်ရိပ်သာ lamzin No. 54 ih innhmun le inn hi Daw Aung San Suu Kyi le a upa U Aung San Oo thawn ro an zemawknak thu khalah buainak a dai thei lo ih 2022, August 22 ah Union Supreme Court in U Aung San Oo hnenah nehnak an coter, tiah theih a si.

Another year fettered – Fifty Viss

Daw Aung San Suu Kyi hi SAC ralhrang in rampi thuneihnak an lak hnu thubuai 19 hrangah kum 33 thawngtla dingin daantat a si hleiah a unau seu U Soe Aung thawn an thubuai 1 hmaisuan ding a nei lai, tinak a si.

Be the first to comment

Leave a Reply

Your email address will not be published.


*