Kum 20 mi tleirawl nute, a tlangval in datsi in a ur

Sagaing khawpi ah nunau pakhat cu a tlangval thawn hmun fianhrial ih an tonawknak ah a tlangval in datsi in a ur, tiah theih a si.

“Online ihsin duhaw an si ih tongaw dingin an tiamaw. Kum 20 mi tleirawlte a si lai. A tlangval thawn an tongaw ih thukam an elaw deuh.

Cutikah a tlangval cun tlakrawh in a lu ah a sut. Tleirawl nute cu lungcimit in a tlu ih cumi laiah a tlangval cun datsi a tawih ih a ur.

Vanthat ah tleirawl nute cu a harhfim lohli ih a au ciamco. A kiangkap mi pawl in an va pan ih mei an mit thei,” tiah a hmun ih fehtu mi pakhat in a sim.

December 5, zan nazi 6 ih thilthleng a si ih tlangvalpa cu a tlansuak nan, December 6 zing ah an kai ih thubuai an tuahsak, tiah a sim fawn.

Mai fala datsi tawih ih urkangtu tlangval hi ဇာနည်ထွန်း(ခ)ရဲရင့် kum 24 a si ih atu-ah palik Sagaing palik in an hreng, tiah theih a si.