Daan vekin meithal neih theinak license nei hrih lo, nupa cun meithal a thupten an nei ih dawngdah zetin an dip (bag) sungah an ret men theu ruangah hi vanduainak hi tong phah an si.
Himi meithal kahnak ruangah innsangnu bik cu thubuai tuahsak in thawngthlak a si ih an fate 3 khalin nu le pa khurhomtu nei nawn lo vekah an cang ko sawh ih innsang thenthekawknak a suah phah, tiah thuneitu pawl cun an sim.
A liam zomi thla ahkhan USA East Orange khawpi ih nisuahnak lamih inn pakhatah nauhak kum 2 mi cu a suahnak pa a kap that, tiah palik bawi John Mina cun a sim.
Kah thatmi innsangpa hi kum 26 lawng a simi Reggie Mabry a si ih May 26 ah a ruak hmuh a si. A ruak an va hmuh tikah a nupi Marie Ayala in a rak tuamhlawm rero lai, tiah an sim.
Hi thihnak thu ahhin a thokpek ahcun Reggie Mabry hi amahte kap thataw menah thuneitu pawl cun an ruat lawk.
Asinan lehhnuah an fa kum 5 mi in thudik a sim ih a naupa kum 2 mi in meithal in a pa a kah thah thu a rel.
Curuangah tuanvoneitu pawl cun nu le pa in fate zohkhennak dik lo thubuai, rittheih sivai hman thubuai le daan ih sian loin meithal an neih thubuai orhter in innsangnu bik Marie Ayala cu thawngthlak a si ih an fate 3 khal vavai zetin an um phahnak a si.
Leave a Reply