Thailand ram ah mi hnenum in kum 13 sung, thlahlawh ngah lo lawng si loin room sungih kharhtang tuartu Myanmar Ma Thinzar Win ih buainak cu thuthennak zung ah suahpi a si thlang ding, tiah hnatuantu pawlkom zung cun thu an suah.
Atufang ahcun thuthennak zung ih thlenpi ding thuhla cipciar pawl an khawlkhawm rero lai ih Ma Thinzar Win hi a hna a set deuh ruangah sivai zohkhennak pek rero lai a si. Cumi a dam fel hngak in an um rero.
Myanmar nu Ma Thinzar Win cu Thailand ram ah mi hnenum in kum 13 sung hna a tuan. Kum 13 sungah inntekte in thlahlawh man khal an pe duh lo. Cu lawng hman si loin suakvak thei lo dingah room sungah an kharhkhum ringring.
2021, December 17 ah Ma Thinzar Win cu hnatuan pawlkom hotu pawl in an umnak ihta an va sarsuak ih December 20 ah hmuh dangah an lasuak.
Atu ahcun hnatuan pawlkom hotu pawl in Ma Thinzar Win ih harsat tuar dan pawl an suhfiang ih an khawlkhawmmi pawl thawn thuthennak zung ah an thehlut thlang ding.
Leave a Reply