Kum 13 pate in kum 7 nute a kaihhrem

Rakhine ramkulh, Kyaukphyu peng ah June 21 ahkhan kum 7 nute cu kum 13 mi mipa in a kaihhrem, tiah theih a si.

Kyaukphyu khawpi, Taung Yin veng ih um kum 7 nute cu a zahmawh ihsin thisen a suah tuangah a upa in a hmu ih a nui’ hnenah a sim. A nu cun a fanute cu ziang na cang, tiah a sut rero nan, a fanute cun a sim duh lo/sim ngam lo.

Curuangah nurse hnenah a fehpi ih nurse cun kaihhrem a si thu a rak sim.

A fanute kaihhrem a si ti a theih tikah a nu cu thilthlen dan simfiang dingah a lem ih cumi hnuah a fanute cun a sim fang.

Veng khatih um Mg. Tin Aung Chay kum 13 mi cun Kyaukphyu vanzam tumnak kiang, tikong sungah a sualpi thu a fanute cun a sim.

Curuangah a nu cun Kyaukphyu palik sakhan ah thubuai a va thehlut.

Tu-ahcun kaihrem tuar nauhak nute cu senpi sizung ah tuamhlawm rero lai a si. Mi kaihremtu Mg. Tin Aung Chay cu Kyaukphyu palik sakhan ih tuanvo neitu pawl in an hawl ih an inn ah an va kai.