KTV zawh palik zu ri kah an si ih palik hotu sang telin 9 an thi

Mandalay,ငါန်းဇွန် peng ah KTV zawhtu palik zu ri rual cu kah an si ih palik 9 an thi, tiah theih a si.

October 29, zanlam nazi 5 hrawngah Myotha ( မြို့သာ) Industrial zone kiangih onmi ဝါဆိုဦး KTV dawr ah nuamtawltu  ငါန်းမြာ palik sakhan ih palik officer le a sangsuan palik ရာဇာဝင်းမြင့် telin palik 10 pawl cu tualsung hriamhrei kai pawl in kut den bomb le meithal in an rak kap ih palik bawi sangtu ရာဇာဝင်းမြင့် telin palik 9 an thi. An sakhan-hmu bik cu thi loin Myotha sizung ah an fehpi, tiah theih a si.

“ငါန်းမြာ  palik sakhan ih palik bawi sangtu ရာဇာဝင်းမြင့် telin palik 9 an thi. Annih hi an rat hlan ihsin ttanhmun kan rak khawh cia. KTV ih hnatuantu le nunau pawl hmun fianhrial ah kan tthawnter hmaisa.

Palik rual an ra thlen tikah kut den bomb 3 kan rak khilai. Lung-aa ih an talbuai laifangah meithal cerek in kan zit ciamco. Nuam an tawl caan rori kan bat ruangah thianfai an harsa lo nasa.

Lehhnu khalah uico ralhrang, uico palik, Dalan le Phusawhtee pawl ralring uh, kan lo ren lo nasa ding. Mipi lam khal hivek puai zoh nan duh asile sumpai tam zet in hlu theu uh,” tiah မာန်စွယ်ကျား thupthiar cangvainak ih tuanvoneitu pakhat cun a sim.

Palik 9 thianfaitu pawl cu TGYR- Youth Guerrilla Counter Revolution (LPDF)၊ Myit Nge People Defence Force- MN PDF၊ ဇာမဏီပြောက်ကျားတပ်ဖွဲ့၊ မာန်စွယ်ကျား ပြောက်ကျားတပ်ဖွဲ့၊ မီးနဂါး NZN an si, tiah theih a si.