November 15 ah nisuah-saklam SAC ralhrang hmunpi ih ralhrang 70 hrawng le Kokang ralkap (MNDAA) cu an kapaw ih ralhrang 30 hrawng an thi, tiah theih a si.
“November 14 ah ralhrang pawl kan sakhan kiangah bu an ra sep ih kanmah siim dingin an tuangtimaw ti kan thei.
Curuangah November 15, zinglam nazi 6 ah gate an tuahnak sakhan cu kanmah in kan kap lawlaw. Hi kahawknak ah ralhrang lam 13 an thi ih 15 in hriamhma an tuar,” tiah Kokang thuthang sirhsan in theih a si.
Cun, November thla thok ah MNDAA Brigade 611 le ralhrang Lashio ah vei khat an kapaw ih ralhrang 2 an thih hleiah 6 hriam an tuar. November 16 ah MNDAA Brigade 611 thotho cun ralhrang vaktawi an kap lala ih ralhrang lam an tuar na zet fawn.
Hi ni lala ah မုံးကိုး le မန်ရန် ram ah MNDAA Brigade 211 cun ralhrang an kap ih ralhrang a malbik 3 hriam an tuar.
November 17 ah SAC ralhrang cun vanzam a rak thlak ruangah MNDAA lam cu dungah an sipsal, tiah Kokang thuthang cun a ngan.
Leave a Reply