Karen National Union (KNU) Tatmaha 1 luah ram sung Thaton peng, Wi Yaw le Htone Bo Lay khaw kiangah June 2 ah doawknak a suak ih SAC ralhrang lam Deputy Sergeant a thih hleiah Captain pakhat le Major pakhat an nunglai in an kaih thu KNLA cun thu an suah.
June 2 ah Htone Bo Lay khawsung ah SAC ralhrang thazang 100 hrawng cu ral siim dingin an peh ih KNLA le tangrual pawl in an rak kap.
Hi kahawknak ah SAC ralhrang lam Deputy Sergeant pakhat sniper in a ngah ih a thi. Hriamhma ngah khal an tam zet, tiah KNLA le tangrual ih tuanvoneitu pakhat cun a sim.
Doawk sungah hin SAC ralhrang lam cun Htone Bo Lay khawsung ah ralthuam tum an kap ih khuami pakhat a kut ah hriamhma a ngah. Inn le lo, inn zuat sumhnam vok, caw khal hriamhma tuar ih thi an um hnuaihni.Cu hleiah SAC ralhrang ih ke ralkap ခမရ 9 ih Captain Kyaw Zin Latt le sivai ralkap Sergeant Naing Oo tei’ pahnih cu an nunglai in an kaih thu KNU Brigade 1 ih Chairman Pado Saw Soe Myint cun a sim.
Nunglai ih an kaihmi ralhrang bawi pahnih cu ralkap daan vekin kilkhawi ih an thuhla ruahsak dingah an kol.
Captain Kyaw Zin Latt hi Russia ram ah raldo va zirtu a si ih Bilin ah kum 7 hrawng hnatuantu a si.
Sergeant Naing Oo khal SAC ralhrang ih no (9) ke ralkap Ka Wa Yin sakhan ih um a si, tiah theih a si.
Leave a Reply