Bago ramthen, Nyaung Lay Pin District, Mong Township ih SAC ralhrang sakhan 5 pawl cu vei khat thil thu ah KNU in an laksak thei ih Battalion commander tel in ralhrang 4 an thih hleiah tam zet an tlansuak, tiah KNU cun thu an suah.
Kyaung Pyia sakhan an siim laiah 81MM ralthuam tel in meithal le zian pawl an laksak ih an sakhan tiangin an urkangsak, tiah theih a si.
July 2, zinglam nazi 4:45 ah KNU luah ram, Mong Township sungih SAC ralhrang sakhan a simi, Kyaung Pyia sakhan, Aung Laung Sein sakhan, Kyun Pin Seik sakhan, Kawpyin sakhan Kyaung Su sakhan cu KNU Brigade (tatmaha) 3 le tangrual pawl in vei le khatah an nuai ih an laksak.
Hi sakhan pawl hin mipi harsatnak an thlen ih lamzin vak sukso pawl an cek theu. Aung Laung Sein sakhan, Kyunpin Seik sakhan, Kawpyin sakhan le Kyuang Su sakhan an lak laiah ralhrang le a lamtang Pyituhsit 4 an thi thu, a dang pawl cu lusam mang lo’n an tlansuah thu theih a si.
Ralhrang sakhan an thianfainak ah meithal zun 8 le ziandawng, cerek tam zet an laksak. Ralthuam an laksak zat hi an cekfel rero lai.
Kyaung Pyia sakhan an siim tikah khatlam khatlam thi le hlo an um ih ralhrang lamah cun Battalion commander a thi, tiah theih a si.
Ralhrang cun vanzam in bomb an ra thlak ruangah felfaiten KNU lamin thianfainak an nei thei hrih lo.
Khuami pawl cu mah le sahimnak hawl ih an tlansuak ih cumi laiah ralhrang in khuami 4 an kap that, tiah KNU cun thu an suah.
Leave a Reply