Karen ramkulh, Kawkareik peng, လှိုင်း၀ ၊ ငါးတိုင်၊ ကျုံဒိုး ih ralhrang sakhan 3 cu Lion Battalion Commando Special Force column ih kaihruainak in KNLA, PDF tangrual in tuni December 16 zinglam nazi 5:40 hrawngah an kap.
Hi kahawknak ah ralhrang Captain le Major telin ralhrang 4 an thi, tiah Lion Battalion Commando Special Force Column ih tuanvoneitu in a sim.
“Zingpit ah kan kap ih ralhrang captain 1, major 1, palik nunau le palik 1 an thi. An ralthuam khal kan laksak,” tiah Lion Battalion Commando Special Force Column tuanvoneitu cun a sim.
Cumi hnuah Kawkareik peng, electric cetzung ih ralhrang le palik an va kap bet ih ralhrang lam thi le hriamhma baih ngahmi an tam zet, tiah theih a si.
SAC ralhrang lam an tuar nat tuk ruangah zing nazi 8 ihsin thok in raldo helicopter in bomb ttum hnih an ra thlak hleiah pukpi khalin an kap fawn.
Nazi 10:10 ah meithal puak awn a dai thei, tiah theih a si.
Leave a Reply