KNLA, KTLA le PDF tangrual in ralhrang le palik 10 an kah that hleiah ralthuam tam zet laksak

KNLA, KTLA le PDF tangrual in ralhrang le palik 10 an kah that hleiah ralthuam tam zet laksak.

Mon ramkulh, ကျိုက်မရော peng ih  တောင်ကလေး palik sakhan cu KNLA Battalion 16, Special Operation Force (SOF, Kaw Thoo Lay Army, Saw Dragon Drone Force le ARMS tangrual in November 21 zing ah an siim.

Ralhrang le palik 10 an thah hleiah ralthuam tam zet an laksak thu PDF thuthang sirhsan in theih a si.

November 21, zinglam nazi 5:30 ah tangrual pawl in တောင်ကလေး  palik sakhan an nuai ih an laksak thei. Nazi 6 ah SAC ralhrang cu Helicopter 3 in an kap ih palik  ချောင်းနှစ်ခွ sakhan khalin pukpi in an rak thum durdo. Hi kahawknak ah ralhrang le palik 10 an thi.

A thimi lakah palik deputy sergeant Ko Ko Latt, palik Lieutenant ဇွဲပြည့်အောင်, palik sergeant Kyaw Myo an tel, tiah theih a si.

SAC ralhrang in Jet Fighter in bomb 2 an thlak ruangah a kiangkap khawmi pawl cu hramlak ah an relh hai, tiah Khit Thit Media in a tarlang.