KNU Brigade 6 luah ram, ကျိုက်ဒုံ khawpi ih palik sakhan cu KNLA le tangrual pawl in October 28, simlam ah an kap ih an laksak. Ralthuam tam zet khal an laksak thu KNLA Donor (ဒေါန) Column in thu an suah.
Mizan nazi 9:30 hrawngah ကျိုက်ဒုံ palik sakhan cu KNLA Battalion 18 le Donor Column in minute 10 sung an kah hnuah an laksak thei thu, ralhrang 4 an thi ih 6 hriamhma an ngah thu theih a si.
Kahawk a reh hnuah G3 meithal 6, G3 cerek tlawn 11, G4 meithal 1, Uzi meithal 2, zun ruk puak meithal 4, 7.62 cerek 2540, kut den bomb 23, 60mm bomb 23, pehtlaihnak cet 1, RPG bomb 3, mine 4 le mine hri kual 2 pawl an laksak, tiah theih a si.
Hi ကျိုက်ဒုံ palik sakhan hi SAC ralhrang ih ralrelnak hmun thlanglam ihsin hla tuk loah a um ih ကျိုက်ဒုံ khawpi ih SAC ralhrang kuttang စကခ 13 le BGF Battalion umnak hmun a si.
KIO/KIA luah ram, A Nang Pa khaw parah SAC ralhrang ih mipi bomb a thlakmi phubasamnak ah tuvekin kan cangvai, tiah Donor Column cun thu an suah.
Leave a Reply