KNLA in ralhrang 8 that, 20 lenglo an tlanhlo

KLNA Brigade 5 le PDF tangrual in ralhrang an nuai ih ralhrang 8 an thih hleiah ralhrang bawi 1 telin 20 lenglo an hlo

Karen ramkulh, KNU Brigade 5 luah ram, Phapon pengpi sungih SAC ralhrang hmaituang sekkhawmnak မဲသလွတ် sakhan cu KNLA le PDF tangrual in December 6, zingpit ah an nuai, tiah theih a si.

KNLA le PDF tangrual ih siimnak ruangah ralhrang pawl cu thih ttih ah thih ttih loin an sakhan an tlansan ih Battalion commando sangtu telin ralhrang 20 lenglo an hlo ih an hawl rero lai, tiah theih a si.

မဲသလွတ် ralhrang sakhan ahhin ralhrang 30 lenglo an um ih thi le hlo an tam zet, tiah Tanintharyi ramthen, သရက်ချောင်း peng ih hrambun ခမရ  403 ralhrang hruangkulh thuthang ihsin theih a si.

Open photo

“Ralhrang cun a thi zat lawng an theiaw theu. A tlanhlo zat an rel tha duh dah lo. A thi le a hlo zaten 30 zikte an si,” tiah KNLA ih thuphuangtu cun a sim.

 

Be the first to comment

Leave a Reply

Your email address will not be published.


*