KNLA in palik sakhan an la, a nunglai in palik 3 an kai

Karen ramkulh sung ih palik sakhan pakhat cu KNLA in tuini zingthlapit ah an la, tiah DVB cun a tarlang.

Karen ramkulh, Myawaddy khawpi thlanglam, Wallay Myaing Sub-Township ih Wallay palik sakhan cu tui’ zing June 13, zingthlapit ah Karen National Liberation Army (KNLA) le tangrual pawl in an la, tiah theih a si.

Hi sakhan ihsin SAC ralhrang kuttang ih palik 3 an nunglai in an kaih hleiah ralthuam tum MM-60 pakhat le meithal zun 3 khal an laksak.

Thailand-Myanmar ramri Wallay, Kane Lay, Su Kalay, Sone Si Myaing le SAC ralhrang ih tirhkah sakhan pawl umnak cu a sangsangten laksak vivo dingah KNLA cun tumtahnak an neih thu tuanvoneitu cun a sim.